Plantun de Prouvènço

Pèr coumpara dos planto d'encò nostre

Rosa rubiginosa & Trigonella segetalis

Agufié(-roussas)

Rosa rubiginosa

Rosaceae

Àutri noum : Agoulencié, Agrufié, Agoulancié, Grato-quiéu, Tapo-cuou.

Nom en français : Églantier couleur de rouille.

Descripcioun :
Aquel agufié, Rosa rubiginosa, fai parti dóu group d'agoulencié qu'an de glando resinouso dessouto li fueio, ço que ié dounon aquesto coulour roussasso. Trachis dins li relarg dubert coume lis orle de bos. Se destrìo de Rosa micrantha qu'a lis estile lanu, si flour soun mai grando e peréu soun óurifice calicinau pu larg.

Usanço :
Tóuti lis agufié fan de fru (grato-cuou, agoulènço...), riche en vitamino C e anti-enflamatiéu, que soun bon à manja, majamen en counfituro.

Port : Aubret
Taio : 1 à 3 m
Fueio : coumpausado
Tipe bioulougico : Faneroufite
Cicle bioulougico : Planto renadivo

Gènre : Rosa
Famiho : Rosaceae

Ordre : Rosales

Coulour de la flour : Roso
Petalo : 5
Ø (o loungour) flour : 30 à 50 mm
Flourido : Printèms - Estiéu

Sòu : Ca
Autour basso e auto : 0 à 1800 m
Aparado : Noun
Mai à juliet

Liò : Orle de bos - Espinas
Estànci : Mesoumediterran à Mountagnard
Couroulougi : Éuroupenco
Ref. sc. : Rosa rubiginosa L., 1771

Melilot(-di-meissoun)

Trigonella segetalis

Fabaceae Leguminosae

Nom en français : Mélilot des moissons.

Descripcioun :
Aquest melilot, de 10 à 40 cm d'aut, a d'enflourejado proun sarrado. Se recounèis à si flour jauno que lis alo soun mai courto que la carèno e subretout à si fru regueja. Lis estipulo dóu mitan soun proun dentado. Es uno planto de coustiero e de prado salado que se recounèis à si flour mai grando que 4 mm au contre de la meno proche Trigonella sulcata que li flour fan entre 3 e 4 mm (encaro mai pichoto èi Trigonella smallii).

Usanço :
Couneissèn pas d'usanço particuliero pèr aquelo planto. Ei bessai procho d'aquelo de Trigonella officinalis. Escriéure au site se n'en sabès mai.

Port : Erbo
Taio : 10 à 65 cm
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Trigonella
Famiho : Fabaceae
Famiho classico : Leguminosae

Ordre : Fabales

Coulour de la flour : Jauno
Petalo : irreguliero
Ø (o loungour) flour : 4 à 5 mm
Flourido : Printèms

Sòu : Ca
Autour basso e auto : 0 à 50 m
Aparado : Noun
Remarco : Planto de coustiero
Mars à Jun

Liò : Prado - Tepiero seco - Relarg sala
Estànci : Termoumediterran à Mesoumediterran
Couroulougi : Estenoumediterrano
Ref. sc. : Trigonella segetalis (Brotero) Coulot & Rabaute, 2013 (= Melilotus sulcatus subsp. segetalis (Ser.) P.Fourn., 1936 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Rosa rubiginosa & Trigonella segetalis

ges

Coumpara Agufié(-roussas) emé uno autro planto

Coumpara Melilot(-di-meissoun) emé uno autro planto